“Gjaku I martirëve” është drama e vënë në skenën e teatrit “Migjeni” mbrëmjen e së premtes. Kjo dramë prek një realitet të hidhur të popullit shqiptar gjatë diktaturës komuniste ndërsa në fokus është martrizimi, sidomos I klerit katolik ndërsa u vranë dhe pushkatuan 38 martirë. Drama u vu në skenë nga një kast I shquar aktorësh, me në krye Mjeshtrin e Madh dhe Nderin e Kombit, Bujar Asqeriu, I cili I prekur nga interpretimi tregon emocionet që I përcolli drama në qytetin e Shkodrës.
Ai tregon edhe mesazhin që drama përcjellë, pikërisht nga Shkodra.Drama përkujton dhe nderon martirët e kombit, ku jo vetëm kleri katolik, por të gjithë ata njerëz, të cilët janë torturuar, burgosur e vrarë pa faj dhe padrejtësisht gjatë diktaturës, duhen konsideruar martirë.
Këta martirë, me në qendër mësuesit shpirtërore të popullit, ngrejnë themelin e vlerave më të larta morale, shpirtërore e njerëzore, si një pasuri e madhe kombëtare, për të cilën duhet të jemi të ndërgjegjshëm, dhe që duhet përcjellë për gjeneratat që do të vijnë.
