Drejtuesi i një motorçiklete mbeti i plagosur, pasi humbi kontrollin e mjetit që drejtonte dhe u përplas me murin anësor të rrugës.Aksidenti ndodhi rreth orës 10:00 të paradites të së shtunës në aksin rrugor Lezhë-Shëngjin, pranë Knalles.
Drejtuesi i motorçikletes u mor nga autoambulanca dhe u dërgua në urgjencen e Spitalit Rajonal të Lezhës, ku pasi mori ndihmen e parë mjekësore ndodhet jashtë rrezikut për jeten.
Ndërkohë policia e cila mbërriti menjëherë në vendin e ngjarjes, nisi hetimet për zbardhjen e shkaqeve dhe rrethanave të këtij aksidenti që paraprakisht dyshohet nga shpejtësia me të cilen po lëvizte drejtuesi i motorçikletes, duke bërë që të humbasë kontrollin dhe të përplaset me murin anësor të rruges.
