Shkatërrohen 173 parcela të kultivuara me bimë narkotike. Asgjesohen me djegie 32.676 bimë. Sekuestrohet arsenal armësh. Sekuestrohen: një pushkë, 4 granata, 1 kallep tritoli 500 gr, 7 karikatore me fishekë, rreth 700 fishekë si dhe pjesë të ndryshme të armëve të tjera.
Armët u zbuluan në një shpellë të përshtatur për të qëndruar. Armët të fshehura brenda shpellës në një mur të ndërtuar me gur. Armët u gjetën afër vendit ku është qëlluar me armë helikopteri i Policisë vitin e kaluar gjatë operacionit antikanabis. Armët dhe municionet do dërgohen për ekzaminim të mëtejshëm në laboratorin kriminalistik. Operacioni gjatë ditës së sotme ka vijuar në territorin e fshatrave Plan,Gjurë,Kujë dhe Temal. Forcat e Policisë kanë operuar në një terren mjaft të vështirë, të pyllëzuar dhe shumë të thepisur. Operacioni masiv do vijojë përsëri nesër.
