Dy persona i kanë dhënë fund jetës dhe rastet janë shënuar në qytetin e Durrësit.
Një grua është vetëvarur dhe kjo ka ndodhur për shkak të gjëndjes së rënduar psikologjike dhe një tjetër është vetëhelmuar me fostoksinë. Ditën e djeshme, rreth orës 10:40, shtetasja F.C., 46 vjeçe është dërguar në spital në gjendje të rëndë. Ajo ka ndërruar jetë pas mbërritjes atje. Sipas Policisë, F.C., kishte varur veten në banesën e saj në Fllakë. Nga hetimet e kryera, rezulton se shkak ka qenë gjendja e rënduar psikologjike. Po kështu, një i ri 26 vjeçar i ka dhënë fund jetës po në Durrës, duke u vetëhelmuar me fostoksinë. Ai ka ndërruar jetë në Spitalin Nënë Tereza. Shtetasi D.D., 26 vjeç, mësohet se vuante prej kohësh nga depresioni.
