Figura e Kapidanit të Mirditës Mark Gjon Markaj dhe familjes së tij e persekutuar nga regjimi komunist erdhi e plotë e botuar në dy libra përmes studimeve të disa prej emrave më të njohur akademik. Libri i parë “Kulla e Rezistencës” është botuar nga vajza e Kapidanit, Bianca Gjonmarkaj e cila thotë se historia e familjes së saj është historia e Shqipërisë.
Ndue Oroshi, kryetar i shoqatës “Trojet e Arbrit” botoi librin “Kapidan Mark Gjon Marku” duke thënë se është një prej emrave të të rëndësishëm në historinë e Shqipërisë gjatë luftës së dytë botërore duke mbrojtur Shqipërinë si dhe duke marrë pjesë edhe në luftën e Kosovës.
Një prej kushërinjve të Kapidanit të Mirditës Artan Gjonmarku me keqardhje tregon se historia e kësaj figure por edhe e komunizit ende nuk është studiuar sa duhet dhe është e pafalshme që mungon në tekstet shkollore.
Këto dy libra për figurën e Kapidanit të Mirditës Mark Gjon Markaj do të vijojnë që të promovohen edhe në qytete të tjera të Shqipërisë dhe Kosovës si dy botime të rëndësishme për historinë tonë.
