Vlora është tronditur dy herë gjatë mbrëmjes ku dy shpërthime tritoli kanë pasuar njëra-tjetrën.
Ngjarja e parë është shënuar në lagjen “Kushtrimi” përballë Drejtorisë së Policisë vendore. Në katin e 5-të një pallati, në sheshpushimin përpara banesës së shtetasit Fatjon Bata, 28 vjeç, i dyshuar edhe si objektiv i ngjarjes kriminale.
28-vjeçari jetonte në këtë apartament prej dy vitesh së bashku me nënën.
E moshuara Nadire Bata, si pasojë e shpërthimit, është transportuar në spitalin rajonal të Vlorës, për shkak të tronditjes dhe shokut të përjetuar.
Fatjon Bata rezulton e paskeduar më parë nga policia.
Në harkun kohor të 45 min, qyteti u trondit nga një shpërthim i dytë. Ngjarja ndodhi në lagjen “Karabash”, pranë bashkisë së qytetit bregdetar.
Sasia e lëndës shpërthyese është hedhur në oborrin e banesës së shtetasit E. Ç nga Vlora.
Kamerat e sigurisë kanë kapur sekuencën e dy personave teksa hidhnin lëndën shpërthyese nga jashtë murit rrethues. Aktualisht blutë e Vlorës janë duke punuar për të zbardhur dinamikën e secilës ngjatke.
Pasi burime sqarojnë se në dëshmitë e tyre, “objektivat” nuk kanë deklaruar të kenë konflikte me njeri apo dyshime mbi ndonjë person.
