Autoriteti i Konkurrencës ka pezulluar vendimin e Urdhrit të Stomatologut për rritjen e tarifave për rreth 13 shërbime dentare.
Në mbledhjen e zhvilluar këtë të hënë, Autoriteti i Konkurrencës ka konstatuar se ligji ndalon të gjitha marrëveshjet, të cilat kanë si objekt ose si pasojë pengimin, kufizimin ose shtrembërimin e konkurrencës në treg.
“Vendimi i Urdhrit të Stomatologut, mund të ketë elementë të kufizimit të konkurrencës në kuptim të nenit 4 të Ligjit 9121/2003”, thuhet në vendimin e marrë sot nga Autoriteti i Konkurrencës.
Gjithashtu, masa janë paralajmëruar edhe për klinikat dentare të cilat rrezikojnë të gjobiten nëse nuk do zbatojnë urdhrin që ndalon vendosjen e çmimeve dysheme
