Një kafshë e therur në Shijak është bërë subjekt dyshimi për bartjen e tuberkulozit. E konsideruar me origjinë që para pesë viteve nga një fermë në Oblikë të Njësisë Administrative Ana e Malit, Ministria e Bujqësisë dhe Drejtoria e Bujqësisë në Shkodër kanë bërë ekzaminimin e fermës.
Sipas shefit të veterinarisë Shkodër, Selim Kraja, është bërë gjurmimi dhe ferma ka rezultuar e pastër, pa asnjë problematikë që mund të rrezikoj konsumatorin. Nuk janë regjistruar asnjë rast me tuberkuloz. Në vija të përgjithshme, Shkodra rezulton e pastër si nga tuberkulozi, ashtu edhe nga bruceloza. Ndërkohë, prej pesë vitesh nuk ka asnjë diagnostikim lopësh me tuberkulozë. Ndërkohë ferma në fjalë në Oblikë prej vitesh ka rezultuar subjekt i rregulltë.
Tuberkulozi te kafshët është një sëmundje ngjitëse, e cila mund të kaloj edhe tek njerëzit. Për rastin në fjalë, sipas Krajës nuk ka asnjë rrezikshmëri. Konsumatori shkodran dhe fermerët duhet të jenë të qetë.
