Nuk arriti ta kalonte edhe këtë pengesë, më të madhen e jetës së tij. Ish-sulmuesi italian, Gianluca Vialli ndërron jetë në Londër, pasi sëmundja e kancerit iu rikthye disa javë më parë.
Gianluca Vialli ishte vetëm 58-vjeç, ndërsa ka një karrierë shumë të pasur si futbollist me Sampdorian, Juventusin e Chelsean. Ai ka qenë gjithashtu një nga sulmuesit më të talentuar të Italisë pas viteve ’90-të.
Betejën me tumorin në pankreas e nisi në vitin 2017, ndërsa pak ditë më parë njoftoi largimin nga stafi i Italisë ku ishte zëvendës i Roberto Mancinit, me të cilin ka luajtur për shumë vite te Sampdoria.
