Europa foli dhe hëngri… shqip. Gatime tradicionale dhe jo vetëm në çdo pjatë, që kishin lidhje të ngushtë me çdo cep të vendit tonë.
Ishte kjo menyja që iu servir zyrtarëve të UEFA-s dhe të ftuarve specialë për finalen e madhe të Conference League.
Nga byreku me fasule, te tava e kosit apo jufkat e Dibrës, mjaftuan për të sjellë shumë Shqipëri në çdo pjatë. Disa nga shefat e angazhuar nga restorantet më me emër në vend u kujdesën për çdo detaj që çdokush të merrte shijen e gatimeve tona.
MENYJA:
ANTIPASTA E PARË
Karpaço levreku nga Lezha dhe açuget me krem perimesh.
ANTIPASTA E DYTË
Tavë krapi nga Shkodra me petë misri.
PJATË E PARË
Byrek tradicional me fasule të bardha nga Kallmeti dhe kërpudha nga Puka.
PJATË E DYTË
Pulë me jufka Dibre
PJATË E TRETË
Tavë kosi tradicionale me mish qengji dhe shafran Elbasani. Lule çikore me vaj ulliri nga Rapsodia. Djathë me çaj mali shqiptar dhe piper djegës nga Zadrima. Lëng shege të egër nga Mrizi.
ËMBËLSIRA
Kasatë e butë parfe me fruta pylli nga Divjaka./Panoramasport
