Jo në pak raste, banorët e komunitetit egjiptian në hyrje të qytetit të Shkodrës janë rrezikaur nga mjetet e shumta që lëvizin me shpejtësi në këtë zonë. Në disa raste janë shënuar edhe aksidente të fëmijëve të vegjël. Përfaqësuesja e këtij komuniteti, Dushe Nasufi tregon se kjo problematikë nuk po gjen zgjidhje prej kohësh.
Ndërkohë, ajo apelon drejtuesit e mjeteve të bëjnë më tepër kujdes gjatë lëvizjes në këtë zonë.
Kjo rrugë, për shkak se lidh qytetin e Shkodrës me pikën turistike në Shirokë e Zogaj ka një frekuentim të lartë të mjeteve në çdo periudhë të vitit. Të rrezikuar nga mjetet që lëvizin me shpejtësi, banorët kërkojnë që të merren masa nga institucionet përgjegjëse.
