Në kuadër të muajit të kundër trafikimit të qenieve njerëzore, këtë të enjte, në ambjentet e prefekturës u ndanë çmimet për piktorët e vegjël, të cilët prej pak kohësh kishin hapur ekspozitën.
Shpërndarja e çmimeve erdhi pas marshimit që shkollat e Shkodrës organizuan në rrugët kryesore të qytetit për sensibilizimin e popullatës për këtë fenomen shqetësues. Aktiviteti u organizua nga DAR Shkodër në bashkëpunim me prefekturën. Pikturat e kësaj ekspozite kanë shfaqur mesazhe sensibilizuese kundër trafikimit të qenieve njerëzore. Muaji tetor i është kushtuar antitrafikimit.
Përgjatë kësaj periudhe janë organizuar aktivitete të ndryshme në shumë shkolla të qarkut Shkodër, ndër to fletushka me mesazhe kundër fenomenit.
