Mikel Gjovalin Alia është lënë në burg nga Gjykata e Lezhës.
Ai akuzohet si bashkëpunëtor në ekzekutimin e shokut të tij të ngushtë Eri Zefi në Mirditë në fillim të tetorit.
Alia doli sot (13 nëntor) para gjykatës për rivlerësimin e masës së sigurisë të dhënë në mungesë të tij.
Vetëdorëzimi në polici
Alia u vetëdorëzua në polici paraditen e së mërkurës (12 nëntor).
Mikel (Gjovalin) Alia qëndronte i fshehur në zonën e Fanit në Mirditë dhe u dorëzua mëngjesin e së martës pas negociatave të policisë përmes familjarëve.
Hetuesit dyshojnë se ai nxori në pritë tek vrasësit shokun e tij të fëmijërisë, duke i thënë se do të shkoni në Mirditë për të vjedhur hashash.
34-vjeçari u dhunua përpara se të qëllohej me 4 plumba në kokë dhe 2 në gjoks. Trupi më pas u gjet i hedhur 50 metra larg rrugës së Kombit në fshatin Zall Xhuxhë.
Vrasësit dyshohet se u larguan drejt Kosovës dhe më pas drejt vendeve të Bashkimit Europian.
Për këtë, Prokuroria e Lezhës iu është drejtuar me letërporosi autoriteteve kosovare ku i kërkon informacion për dy personat që kanë hyrë në territorin e Kosovës nga Shqipëria dhe më pas janë larguar nga Kosova në drejtim të Gjermanisë.
