Emigranti shqiptar gjendet i vdekur në rrethana misterioze
Një emigrant shqiptar me nënshtetësi italiane është gjendur i vdekur në ballkonin e banesës së tij në komunën Borgosatollo të Italisë fqinje. Identiteti i viktimës nuk bëhet ditur nga mediat lokale. Të afërm dhe miq që e kërkonin dhe nuk kishin lajme prej tij, hynë në banesën e shqiptarit dhe e gjetën të pajetë, të shtrirë në ballkon. Sipas ekspertizës, shqiptari ka mbetur i vdekur nga një plagë me armë zjarri tip pistoletë në kokë. Se si ka ndodhur ngjarja, kjo mbetet ende për tu zbardhur, por sipas hetimeve paraprake, shqiptari ka vrarë veten për arsye që lidhen me jetën e tij sentimentale.
