Një gazetar francez është vrarë në afërsi të Severodonetsk në Ukrainë, pasi automjeti në të cilin ndodhej u vu nën zjarr, sipas guvernatorit rajonal të Luhansk, Serhiy Gaidai.
Në një deklaratë të postuar në rrjetet sociale të hënën, Gaidai ka thënë se “sot automjeti ynë i evakuimit të blinduar do të merrte 10 persona nga zona dhe u vu nën zjarrin e armikut”.
🚨According to the governor of Luhansk, a French journalist has been killed in #Ukraine, hit by shrapnel while filming an evacuation of civilians. RSF is not releasing his identity while his family and colleagues are being informed. We are in touch with his editorial staff. pic.twitter.com/JT1cN6aC2O
— RSF (@RSF_inter) May 30, 2022
Kështu, siç ka bërë të ditur ai, të shtënat shpuan makinën dhe një plagë vdekjeprurëse mori një gazetar i akredituar francez që po bënte materiale për evakuimin.
Gazetari nuk u emërua. Megjithatë, Christopher Miller, një reporter për Politico, duke cituar Serhiy Hayday, kreun e administratorit të Luhansk, tha në Twitter se i ndjeri ishte Frédéric Leclerc-Imhoff.
