Forumi shkodran i liqenit të Shkodrës, ka qënë pranë shkollës speciale 3 Dhjetori në ditën e tokës me një fond special për këtë shkollë për krijimin e një hapësire për ekspozimin e punimeve të riciklueshme në këtë shkollë.
Nxenesit fillimisht kanë organizuar një aktivitet më kengë në kuadër të ditës së tokës, ndërkohë që përfaqësuesja e Forumit Liqeni i Shkodrës, Diana Bejko ka folur edhe për rëndësinë e kësaj inisiative. Në shtator 1969, në një konferencë në Siatëll, Uashington, Geilord Nelson, senator i SHBA, shpalli se në pranverën e vitit 1970 do të kishte demonstrata për ambientin në të gjithë vendin. Me kalimin e një kohe të shkurtër kjo festë u kthye nga kombëtare në ndërkombëtare, duke sensibilizuar mbarë botën. Tradita e Ditës së Tokës vazhdon të respektohet edhe sot, në këto kohë kur shkatërrimi i natyrës dhe problemet në lidhje me të janë thelluar më shumë se kurrë.
