Është djegur gjatë natës një makinë në lagjen ‘Nënë Tereza’ në qytetin e Lezhës. Burime bëjnë me dije se makina e djegur është në pronësi të Nikoll Prenga i cili është me detyrë gardian në burgun e Shënkollit në Lezhë.
Si pasojë e flakëve makina e gardianit është shkrumbuar totalisht. Deri më tani dyshohet se zjarrvënia është e qëllimshme.
Makina e gardianit të burgut të Shënkollit ka qenë e parkuar jashtë rrethimit të banesës së Nikoll Prengës, ndërkohë që në momentin e djegies ai ka qenë në gjumë. Nikoll Prenga është shprehur se nuk ka patur asnjë konflikt të mëparshëm.
