Gjenden 300 kg drogë dhe dy armë zjarri, dy të shoqëruar
Një sasi prej 300 kilogramësh lëndë narkotike Cannabis Sativa është gjetur nga policia në Vithkuq të Korçës. Droga është gjetur nga blutë gjatë kontrollit të dy ambienteve, konkretisht në çatinë e një ndërtese dhe një banesë tjetër, u gjet e paketuar në 23 thasë. Përveç drogës u gjetën edhe dy armë zjarri. Për këtë sasi droge janë shoqëruar dy persona të dyshuar dhe sipas bluve vijon puna për zbardhjen e plotë të këtyre rasteve .
