Gjendet makina që u përdor në atentatin e Vlorës, brenda saj dhe arma e krimit
Kjo është makina e gjetur sot nga Policia në fshatin Kafaraj të Fierit, e cila u përdor nga autorët për atentatin në Vlorë ndaj Ferdinand Llanajt, 39 vjeç dhe Dritan Begës, 50 vjeç. Makina është BMW dhe ka targa italiane, EN 591 HG. Nuk dihet ende pronësia e saj. Por, nga burime nga vendi i ngjarjes mësohet se brenda saj është gjetur edhe arma e krimit. Policia ka nisur hetimet dhe mbledhjen e provave. Atentati ndodhi rreth orës 9: 35, në rrugën Transballkanike, pranë një karburanti. Persona ende të pa identifikuar është qëlluar me armë zjarri në drejtim të një mjeti ”Mercedes Benz” me targa VL 63 68 C. Nga të shtënat me armë zjarri kanë mbetur të plagosur shetasit D.B., 50 vjeç dhe F.Ll., 39 vjeç Të dëmtuarit janë transportuar menjëherë për të marrë ndihmë mjekësore në Spitalin Rajonal Vlorë.
