Një granatë e vjeter dore u konstatua pasditen e së shtunes në Zonen e Ranës së Hedhur në Shëngjin. Lënda plasese e cila ishte e mbuluar në dhe u gjet në anë të rruges kryesore nga një banor i zonës i cili sinjalizoi menjëherë policinë. Këta të fundit u vunë menjëherë në lëvizje duke rrethuar zonen përreth dhe kërkuan mbështetjen e forcave xheniere per largimin e granates.
Në oret e mbrëmjes xhenieret mbërriten në Shëngjin dhe brenda një kohë të shpejtë bënë të mundur largimin e granatës e cila dyshohet se i përket kohës së luftës, pasi vendi ku u gjet ndodhet pranë bazes ushtarake të Shëngjinit.Mbetje të tilla luftarake janë konstatuar shpesh në zonë të ndryshme të Lezhës dhe është vepruar në kohë në asgjesimin apo largimin e tyre.
