Rreth 200 familje në fshatin Golem të njësisë administrative Rrethina vuajnë prej 9 muajsh mungesën e furnizimit me ujë të pijshëm. Banorët shprehen se në vështirësi për të siguruar ujin e pijshëm, janë detyruar të hapin puse nëntokësore.
Mungesa e ujit të pijshëm në banesa është një problem I pranishëm prej vitesh në fshatin Golem. Edhe pse banorët disa herë I kanë bërë apel insitucioneve përgjegjëse për përmirësimin e situatës, akoma nuk janë marrë masa konkrete.
E vetmja mënyrë me të cilën banorët e kësaj zone mund të sigurojnë ujin e pijshëm është përmes puseve me ujë ose duke blerë botet 10 litërshe të cilat konsiderohen nga banorët si mjaft të kushtueshme.
