Greqi, shkon në 15 numri i të vdekurve, Tsipras: Zi kombëtare
Shkon në 15 numri i personave të vdekur nga mot i keq që ka përfshirë pasditen e djeshme shtetin fqinj të Greqisë. Sakaq, 3 persona rezultojnë të zhdukur kurse 17 të tjerë po mbahen në trajtim mjekësor nga bluzat e bardha.Sipas mediave greke situata është e rëndë, pasi reshjet dhe përmbytjet në afërsi të qytetit të Athinës kanë shkaktuar një panoramë të zymtë dhe ka ngjallë frikë tek qytetarët grek. Mësohet se në mesin e viktimave janë pesë femra dhe dhjetë meshkuj. Shumë persona kanë humbur të afërmit e tyre për shkak të përmbytjeve, ndërsa Kryeministri i i vendit Alexis Tsipras, ka shpallur zi kombëtare për nder të personave që kanë humbur jetën. Në një deklaratë për mediat kryeministri grek, tha se qeveria do të jëtë shumë pranë banorëve të prekur, ndërsa theksoi se do të analizohen të gjitha shkaqet që çuan në këtë tragjedi.
