Kjo është gjithçka ka mbetur pas shtrëngatës së orëve të para të mëngjesit të premten e kaluar. Fruta, perime dhe gjithçka tjetër e mbjellë në pothuaj 3 dynym tokë është dëmtuar. Katrina Pali është fermerja nga fshati Rrenc në njësinë administrative Gur I Zi e cila akoma nuk mund të pranojë faktin që kursimet dhe të mbjellat e një viti u shkatërruan brenda natës.
Ajo tergon se duhani I mbjellë më pak se një muaj më parë ëshët dëmtuar më shumë se çdo gjë nga breshëri I dendur. Ndërsa të ardhurat e fiturara prej tij e ndihmon vetëm për të mbijetuar, atë dhe familjen e saj.
Aktiviteti I saj si fermere nuk është I regjistruar ndaj ajo e di që nuk do të përfitojë subvencione nga bashkia pas dëmit ekonomik që I është bërë, por uron që shumë shpejt të ketë mundësi të mbjellë edhe një herë të paktën gjysmën e frutave dhe perimeve.
Si Katerina Pali, edhe shumë fermerë të tjerë në njësinë administrative Gur I Zi janë dëmtuar nga breshëri dhe shtrëngata e një dite më parë. Vështirësia bëhet më e madhe kur të gjitha këto dëme shkaktohen në periudhën e të vjelave, duke I përballur fermerët me humbje të mëdha ekonomike.
