Një grup hackerash rusë kanë kërcënuar sulme globale kibernetike. Bëhet fjalë për grupin Killnet ndërsa pjesë e shteteve të kërcënuara prej tyre janë SHBA, Gjermania, Italia, Letonia, Rumania, Lituania, Estonia, Polonia dhe Ukraina.
Grupi i lidhur me Rusinnë pretenduan se kishin prishur infrastrukturën e Policisë së Shtetit të Italisë kundër krimit kibernetik, pasi ajo pengoi përpjekjet e hakerëve të cilët u munduan të ndërhynin në serverin e votimeve të Eurovsisionit.
Hakerët e grupit Killnet njoftuan në orët e para të mëngjesit të së hënës se pretendimet e bëra nga Policia e Shtetit Italian që referoheshin për ndërprerjen e sulmeve kibernetike gjatë fundjavës ishin të rreme.
Në të njëjtin njoftim, Killnet u shpalli gjithashtu “luftë” vendeve të listuara më sipër, përfshirë “policinë mashtruese të Italisë”.
Grupi pretendoi se ishte përgjegjës për faqen e internetit në dukje offline të departamentit kibernetik të policisë.
“Si finalja e madhe e Eurovizionit të së shtunës dhe dy gjysmëfinalet e mëparshme u shënjestruan nga grupi pro-rus i hakerëve Killnet në sulmet e mohimit të shërbimit (DDoS)”, thuhet në një deklaratë të policisë.
Të dielën, Policia e Shtetit Italian konfirmoi se ishin në gjendje të “neutralizonin dhe zmbrapsnin sulmet”.
Konkursi, i cili u mbajt në Itali, u pa si një shfaqje publike e solidaritetit me Ukrainën dhe një shpërthim i ndjenjës kundër luftës në të gjithë Evropën, me Rusinë e ndaluar nga Eurovizioni në fillim të vitit.
Në një postim në Telegram, Killnet iu kundërpërgjigj pretendimeve të autoriteteve italiane, duke thënë se nuk qëndron pas sulmit.
