Ndryshimet kushtetuese që pritet të bëhen nuk duhet që të kalohen në bllok në parlament ku bëjnë pjesë integrimi europian, reforma në drejtësi, gjykata kushtetuese dhe organizimi i prokurorisë.
Ekspertja dhe përgjegjësja e departamentit të së drejtës publike në universitetin e Shkodrës Entela Hoxhaj thotë se duhet që të votohen veçmas. Hoxhaj sjell në vëmendje gjyqtarët e njëanshëm pas 98’ ndaj edhe i quan të domosdoshme këto ndryshime kushtetuese. Pavarësisht propagandës, politika po tenton të kap ndryshimet kushtetuese. Në ndryshimet kushtetuese neni 23 cilësohet si i rrezikshëm. Ndryshimet kushtetuese dhe reformën në drejtësi Hoxhaj i sheh me sy kritik dhe vështirë të zbatueshme. Komisioni i Venecias ka bërë një numër të madh gjetjesh dhe pritet që të sjellë draftin përfundimtar brenda datës 11 mars për ndryshimet kushtetuese dhe më pas pritet të votohet në Parlament.
