Një tragjedi është shënuar në Indi, ku si pasojë goditjes së rrufesë kanë humbur jetën 11 persona dhe janë plagosur shumë të tjerë.
Personat që fatalisht u goditën nga rrufeja në momentin që ndodhi ngjarja ishin duke bërë selfie në një kullë vrojtimi, një atraksion i njohur turistik në qytetin e Jaipur.
Ky fenomen është mjaft i përhapur në vend, pasi në vitin 2004 kanë humbur jetën 2 mijë persona.
Kryeministri i vendit, Ashok Gehlot ka njoftuar që do të shpërblejë me 6 mijë e 700 dollarë familjarët e personave të prekur nga kjo tragjedi.
Sezoni i shirave të dendura dhe papushim në Indi, zgjat deri në shtator.
Departamenti Indian Meteorologjik ka thënë se vdekjet nga goditjet e rrufesë janë dyfishuar në vend që nga vitet 1960 dhe një nga arsyet kryesore është kriza klimaterike.
Të dhënat thonë se incidentet e rrufesë gjithashtu janë rritur me 30%-40% që nga fillimi deri në mes të viteve 1990.
Në vitin 2018, shteti jugor indian i Andhra Pradesh regjistroi 36,749 goditje rrufe në vetëm 13 orë.
