IKMT ka zbarkuar sërish në Velipojë këtë të martë, por kësaj here jo për të prishur objekte pa leje, por për të pastruar mbetjet e lënë nga aksioni dy ditor i mbajtur disa ditë më parë në plazhin e Velipojës.
Por pavarësisht iniciatives për të pastruar të gjithë brezin rënor nga mbejtet e lëna nga aksioni, një skandal mjedisor, po bëhet pikërisht nga dora e shtetit.
Mjetet e tonazhit të rëndë, pasi marrin objektet dhe mbetjet inerte nga hapësira rënore e plazhit, po i hedhin mbetjet pranë Hidrovorit në Lagunën e Vilunit.
Pa pyetur askënd, IKMT po depozitojnë mbetjet inerte në një nga zonat më të bukura të Velipojës, e aq më tepër pranë hidrovorit i cili është një objekt i rëndësisë së veçantë.
Videot e siguruara tregojnë këtë masaker mjedisore, kur kujtojmë që në territorin e Qarkut të Shkodrës është i vendosur edhe një landfilled për depozitimin e mbetjeve.
