Interesi i qytetarëve për të marrë vaksinën kundër gripit edhe këtë vit ka qënë tejet i lartë në Shkodër. Nga 14 mijë doza të ardhura, kryevaksinatori pranë njësisë vendore të kujdesit shëndetësor, Arben Xhabija bën të ditur se deri më tani janw aplikuar rreth 6 mijë doza.
Kryevaksinatori ka rënditur disa ndër kategoritë që konsiderohen në rrisk, ndërsa ju bën apel që të vaksinohen tani që të mbrohen nga gripi në periudhën e dimrit.
Vaksinimi në Shkodër kundër gripit ka nisur rreth një muaj më parë. Mjekët këshillojnë kryesisht të moshuarit si dhe të sëmurët kronikë që të mos neglizhojnë vaksinimin kundër gripit.
