Tre persona të shpallur në kërkim për vepra të ndryshme penale kanë rënë në prangat e policisë së Tiranës.
Në pranga kanë rënë:
B. B., 39 vjeç, banues në Tiranë, i cili ishte shpallur në kërkim pasi në janar të këtij viti ka qëlluar me armë zjarri në drejtim të një personi.
Xh. H., 24 vjeç, banues në Tiranë, i shpallur në kërkim pasi në Maj të vitit 2018 ka tentuar të vrasë me armë zjarri 25-vjeçarin me iniciale A.B.
E. B., 41 vjeç, i shpallur në kërkim për veprat penale “Falsifikimi i vulave, stampave ose formularëve” dhe “Krijimi i skemave mashtruese me TVSH”.
Policia e Tiranës njofton se materialet shtesë i kaluan Prokurorisë së Rrethit Gjyqësor Tiranë për veprime të mëtejshme.
