STUDIUESI I UJRAVE: UNË E SHPËTOJ SHKODRËN, DUHEN VETËM 12.4 MLN EURO. Asnjë prej kandidatëve për Bashkinë Shkodër nuk ka një program apo projekt për ta shpëtuar njëherë e mirë Shkodrën nga përmbytjet. Kjo shqetëson studiuesin dhe njohësin e ujrave Ismet Teli.
I pyetur se cila është zgjidhja, studiuesi Teli thotë se ka gati projektin dhe se nuk duhen më shumë se 12.4 milion euro nga të cilat gjysmën e paguan Mali i Zi për ta shpëtuar Shkodrën nga përmbytjet. Studiesi Teli ka shpresë që kjo ide e tij e mirëmenduar të kthehet në një master-plan e të marrë jetë në mënyrë që Shkodra ta ketë të mbyllur kapitullin e përmbytjeve.
