Anija e shpëtimit “Ocean Viking” shpëtoi brenda natës, 74 migrantë nga një varkë në Mesdhe, e ndodhur në afërsi të brigjeve të Libisë , shkroi në rrjetin social, Twitter, organizata e ndihmës, SOS Mediterranee.
“Edhe pse ata janë lodhur nga arratisja e rrezikshme, deri tani, të gjithë të mbijetuarit duken të qëndrueshëm”, shkroi organizata.
Vendi ku do të dërgohen migrantët nuk ishte i qartë.
Pavarësisht përpjekjeve të liderëve europianë, ende nuk ka një mekanizëm për shpërndarjen e migrantëve në BE.
Gjatë muajve të fundit, migrantët e shpëtuar nga anijet e ndihmës, kanë pritur në det sepse Italia dhe Malta kanë refuzuar t’i pranojnë, deri në momentin që vendet e tjera të BE-së ranë dakord të pranonin një pjesë të tyre.
