Mëngjesin e sotëm, policia italiane ka zhvilluar një operacion të madh anti-drogë kundër një grupi kriminal trafiku droge që vepronte në zonën e Bolonjas.
Sipas njoftimit të mediave italiane janë dhënë 44 masa paraprake arresti ku përfshihen shtetas tunizianë, italianë, shqiptarë dhe pakistanezë.
Ata tregtonin drogë në të gjithë qendrën historike të qytetit të Bolonjas. Nga hetimet e policisë italiane u gjetën mbi 5 mijë doza kokainë të shitura dhe 1500 doza heroinë të shitura.
Gjithashtu u konstatua se një grup kriminal ka kryer një sulm të dhunshëm ndaj një të riu tunizianë për ta detyruara atë të vepronte në emër të tyre. Gjatë operacionit u sekuestruan 3 kg kokainë, 1 kg heroinë, 6 kg hashash, 1500 doza lëndë narkotike dhe 30 mijë euro cash.
Nga 44 masat e arrestit, 36 persona janë arrestuar në flagrancë. Në këtë operacion të madh në Bolonja u angazhuan 400 oficerë policie, duke përfshirë hetues nga skuadrat e lëvizshme dhe nga departamentet e parandalimit të krimit.
