Kjo është Manushaqe Zefi. 53 vjeçarja jeton në kushte të mjerueshme së bashku me 3 fëmijët e saj të vegjël në një shtëpi afër shkollës pyjore në Shkodër. Manushaqja tregon se e ka shumë të vështirë të jetojë në kushte të tilla, veçanërisht gjatë stinës së dimrit ku i ftohti dhe reshjet e shiut depërtojnë kudo në dhomat e baneses në të cilën jeton prej 20 vitesh.
Si shkak i lagështirës dhe mykut që krijohet në shtëpi, 53 vjeçarja tregon se fëmijët e saj sëmuren shumë shpesh.
Nëna e 3 fëmijëve thotë se jeton vetëm me ato pak të ardhura që arrin të sigurojë nga shitja e kanaçeve.
Manushaqja i bën apel institucioneve përgjegjëse ta ndihmojnë për të rikonstruktuar banesën e saj.
Pavarësisht kërkesave për ta ndihmuar ndër vite, familja Zefi rrezikon të presë edhe këtë dimër në një banesë që nuk plotëson as kushtet më minimale për jetesë.
