Gratë dhe vajzat e Shkodrës i dhanë mbështetjen e plotë kandidatit të PD Xhemal Bushati në një takim të zhvilluar ditën e sotme .
Kandidati i PD Bushati në takimin me gratë dhe vajzat shkodrane deklaroi se do të sjell një model tjetër, atë të përkushtimit për Shkodrën duke patur në vëmendje fuqizimin e rolit të gruas.
“Super entuziazmi i takimit të sotëm me gratë shkodrane është garancia e ndryshimit që po vjen për Shkodrën. Shpalosëm një tjetër model për Shkodrën. Modelin e përkushtimit dhe të dashnisë për Shkodrën përballë modelit të interesave dhe përplasjes.
Jemi me fat që në këtë mision tonin për Shkodrën kemi bekimin e nënave dhe guximin e grave shkodrane. Kjo është Super Shkodra që të gjithë njohim, Super Shkodra që të gjithë duam!”
