Rreth 30 persona janë zhdukur pas shembjes së gjashtë shtëpive ditën e djeshme në mbrëmje në shtetin perëndimor të Rhineland-Palatinate në Gjermani , për shkak të shirave të mëdha dhe përmbytjeve.
Rreth 25 shtëpi të tjera rrezikojnë të shemben në zonën Eiffel, sipas CNN.
Një zjarrfikës u mbyt dhe ushtria është vënë në gatishmëri për të ndihmuar banorët e bllokuar, pasi reshjet e mëdha të shiut shkaktuan përmbytje më katastrofike në 25 vjet, në Gjermaninë perëndimore.
Transporti rrugor dhe hekurudhor u ndërpre në vende të ndryshme.
Shërbimi Meteorologjik Gjerman ka lëshuar paralajmërime ekstreme të motit në tre shtete .Në Hagen, një qytet me 180,000 banorë, u shpall gjendje e jashtëzakonshme pasi lumi Folme doli nga shtrati.
Është paralajmëruar se brenda orëve të ardhshme uji mund të arrijë nivele edhe më të larta, ndërsa personave që jetojnë afër lumenjve i është kërkuar të lëvizin menjëherë në zona më të larta.
Disa zona të Hagen janë deklaruar të izoluara dhe të paarritshme për shkak të niveleve të larta të ujit .
Armin Lasset, kryeministri i Nordrhein-Ëestfalen dhe Kancelarja Angela Merkel, pritet të vizitojë rajonin sot.
