Katër klandestinë sirianë janë kapur mbrëmjen e kaluar në portin e Shëngjinit në tentativë për t’u ngjitur në një anije mallrash.
Sirianët kishin hyrë në port gjatë natës dhe tentuan të ngjiteshin tek anija e mallrave që po shkarkohej në Port.
Aty janë konstatuar nga rojet e sigurisë që kanë lajmëruar Policinë që më pas ka mundësuar kapjen e tyre.
Menjëherë kanë nisur hetimet për personat që mund t’i kenë orientuar sirianët deri në portin e Shëngjinit.
