Kapen me drogë në makinë, arrestohen një grek dhe një shqiptar
Dy të rinj, një grek dhe një shqiptar janë arrestuar të premten, pasi në makinën e tyre u gjet një sasi droge. Në rrethinat e Kosturit, policia ndaloi makinën që drejtohej nga greku 20 vjeçar. Brenda saj u gjetën dy qese plastike, që kishin 9,5 kilogramë kanabis. Greku dhe shqiptari i moshës 22 vjeç pranuan se drogën e kishin të dy bashkë dhe se e kishin marrë në kufi me Shqipërinë. Policia sekuestroi në cilësinë e provës drogën, automjetin, si dhe tre telefona celularë. Dy të rinjtë do të dërgohen në prokurorinë e Kosturit për t’iu komunikuar akuza. Ndërkohë hetimet po vazhdojnë për të verifikuar nëse dy të arrestuarit punonin për llogari të dikujt tjeter.
