Kapet 30 kg heroinë në Portin e Durrësit, kamioni me dru ishte nisur nga Elbasani
Një sasi prej 30 kilogramësh heroinë është kapur gjatë natës në portin e Durrësit. Droga ishte fshehur në një kamion që do të udhëtonte për në Itali dhe ishte e ndarë në 52 pako. Kamioni mësohet se ishte nisur nga Elbasani, i ngarkuar me dru dhe do të shkonte në vendin e përtej Adriatikut. Në pranga për këtë sasi të madhe droge, është vënë vetëm shoferi i kamionit. Një sasi e tillë droge kishte kohë që nuk kapej në Shqipëri.
