Kapet në shtëpinë e vet duke thithur kanabis, krutani që grabiste me armë
Një i ri krutan që duhej të ishte në burg për grabitje me armë dhe armëmbajtje pa leje u kap nga policia në shtëpinë e tij ku iu gjet dhe një sasi lënde narkotike kanabis. Ndaj Betim Xhixhës, 22 vjeç, banues në Krujë, ishte dhënë një masë sigurie ‘arrest me burg” nga Gjykata e Rrethit Gjyqësor Krujë për veprat penale” Vjedhja me armë e kryer në bashkëpunim” dhe “Prodhimi dhe mbajtja pa leje e armëve luftarake dhe e municionit ”parashikuar në nenet 140, 25 dhe 278/4 të Kodit Penal. Gjiathashtu, gjate kontrollit të ushtruar në banesën e tij në momentin e ndalimit u gjetën dhe u sekuestruan në cilësinë e provës materiale lëndë narkotike kanabis. Materialet I kaluan Prokurorisë së Rrethit Gjyqësor Krujë për veprime të mëtejshme për veprën penale “Prodhimi dhe shitja e narkotikëve” parashikuar në nenin 283 të Kodit Penal.
