Kolegë mësuesa, sindikalistë! Në vijim të komunikimit me Ju
, informojmë se në mbledhjen e zhvilluar sot me Këshillin drejtues të sindikates së arsimit, pas një diskutimi të gjatë dhe me pergjegjësi u vendos që : – Diten e hënë, me daten 12.12.2016, në oren 14.00, në ambientet e Drejtorisë Arsimore Rajonale Shkodër të zhvillohet protesta e jonë me këto kërkesa: Përgjigje për ecurinë e rregullimit të ngarkeses mësimore përfundimtare për mësuesat shkodranë. 2- Përfitimi pa asnjë kompromis i shpërblimit të fundvitit. 3- Zgjidhja e problemit të transportit të mësuesave jashtë qëndres së qytetit. 4- Pagesa e orëve suplementare për mësuesit që e perfitojnë. 5- Caktimi i dates së terheqjes së pagave në datat 7-9 të çdo muaji. Këto janë kërkesa të pa negociueshme dhe për të cilat nuk terhiqemi. Ndersa protesta një orëshe ,me bojkotimin e mësimit ,do të zhvillohet në të njëjtën ditë në të gjithë Shqipërinë gjatë këtyre ditëve pas përcaktimit nga Këshilli kombëtar i Aleances Sindikale. Gjithashtu dua të siguroj të gjithë kolegët se vetëm protesta e jonë ruajti vendet e punës dhe u arrit të riparohet situata me ngarkesen mësimore dhe asnjë drejtues të mos krenohet me këtë, pasi ato e treguan vehten në momentin e shpërndarjes se ngarkeses mësimore dhe listëprezencat e shtatorit se sa dashamirës ishin me ne… Ju bëjmë thirrje të gjithëve që diten e hënë të jemi sëbashku në protestë që të marrim atë që na takon dhe po së bashku të ruajmë dinjitetin profesional dhe të ardhmen tonë në profesion.
