PAVARËSISHT REZULTATIT 0-0, KILENËT ISHIN TË SAKTË NË PENALLTI Kili ka mundur të triumfojë përballë skuadrës së Argjentinës, në ndeshjen finale të Kupës së Amerikës, duke fituar për herë të parë këtë titull. Koha e rregullt e ndeshjes, u mbyll me rezultatin 0-0, pavarësisht disa rasteve të skuadrave për të shënuar, takimi ishte në baraspeshë.
Po kështu, i njëjti rezultat vazhdoi edhe pas shtesës së rregullt prej 30 min, duke u përballur në ekzekutimin e 11-metërshave. I pari ka qënë Kili që shënoi goditjen e parë duke hapur sfidën, por më pas Argjentina i kundërpërgjigjet me gjuajtjen e Messit duke i barazuar shifrat. Sfida vijoi me gjuajtjet e Vidal i cili kaloi përsëri skuadrën e Kilit në avantazh. Dy gjuajtjet pasardhëse të Argjentinës, pikërisht Higuain dhe Pastore nuk u treguan të saktë para portës, çka bëri të mundur që këtë trofe ta fitojnë kilianët. Ky ka qenë trofeu i parë për skuadrën e Kilit në gjithë kompeticionet e Kupës së Amerikës. Lionel Messi kishte mundësinë që ta fitonte për herë të parë këtë trofe me Argjentinën, por nuk ka mundur ta realizojë.
