Kokainë mes orizit, arrestohet lezhjani
Një 46 vjeçar është arrestuar pasi në makinën e tij u sekuestruan 46 gram kokainë. Elton Gjini banues në Lezhë u arrestua për akuzën “Prodhim dhe shitje e lëndëve narkotike” parashikuar nga neni 283/1 i Kodit Penal. Kokaina iu gjet në makinë në një qese me pako me oriz dhe sheqer. Ndërkohë u ndalua dhe Astrit Tafaj, 38 vjeç, lindur në Malbardhë – Kurbin. Për këtë shtetas Gjykata e Shkallës së Parë për Krimet e Rënda Tiranë ka caktuar masën e sigurisë “Arrest me burg” për veprat penale ” Grup i strukturuar kriminal ” ” Kryerja e veprave penale nga organizata kriminale dhe grup i strukturuar kriminal” dhe “Kultivimi i bimëve narkotikëve” parashikuar nga nenet 284/2 , 333/a dhe 334 të Kodit Penal.
