Komisioni i Zgjedhjeve po prezanton dhe teston Platformën Elektronike të Regjistrimit (PER) për zgjedhësit që votojnë nga jashtë Shqipërisë.
Kjo platformë, e krijuar dhe mirëmbajtur nga KQZ, synon të lehtësojë regjistrimin e shtetasve shqiptarë jashtë vendit, duke u mundësuar atyre ushtrimin e të drejtës së votës në zgjedhjet për Kuvendin e vitit 2025.
PER do të jetë e disponueshme në versionet desktop dhe mobile, pa pagesë, për të siguruar akses të gjerë dhe përdorim të lehtë nga çdo pajisje.
Platforma përbëhet nga dy module kryesore: Moduli i regjistrimit, ku zgjedhësit paraqesin kërkesat e tyre për regjistrim, dhe Moduli i shqyrtimit të kërkesave, që mundëson verifikimin dhe menaxhimin e tyre nga autoritetet përkatëse.
