Krimet e Rënda lënë në burg Shukri Xhelilin: S’ka probleme shëndetësore
Ish kryebashkiaku i Dibrës, Shukri Xhelili, nuk ka probleme shëndetësore që i rrëzikojnë jetën. Ka qenë kjo përgjigja e ekspertëve kardiolog të caktuar nga gjykata për të vlerësuar nëse Xhelili vuan apo jo nga Ishemia. Me këtë përgjigje, Krimet e Rënda kanë lënë në fuqi dënimim për Xhelilin duke mos pranuar kërkesën e tij për lirim. Shukri Xhelili do vijojë të mbetet në masën e sigurisë me burg. Ai u shkarkua nga detyra pas përfshirjes në një videoskandal, ku kërkonte favore seksuale në këmbim të vendit të punës.
