Një konflikt i rëndë në familje është verifikuar mbrëmjen e kësaj të shtune në fshatin Çoçaj të Ndroqit, ku për pasojë një grua ka mbetur e vrarë dhe një tjetër e plagosur.
Lajmin e bëjnë të ditur burime policore zyrtare, sipas të cilave shtetasi Kasem Lila, pas një konflikti me të vëllanë ka qëlluar me çifte gruan dhe kunatën. Nga të shtënat ka mbetur e vrarë kunata e autorit, shtetasja F.Lila, ndërsa bashkëshortja e tij, Z.Lila, e plagosur. E informuar në kohë, policia ka shkuar në vendin e ngjarjes dhe ka arrestuar në kushtet e flagrancës autorin, ndërsa po heton për të zbardhur shkaqet e ngjarjes.
