Të të ikin nga duart për pak sekonda 2.5 milionë euro. E tillë është historia e këtij Ferrari “Enzo”, i cili është përplasur në Holandë.
Makina mësohet se është përplasur me një pemë pasi drejtuesi me sa duket ka humbur kontrollin në një rrugë të rrëshqitshme. Automjeti dyshohet se i përket Kroymans Automotive, një tregtar i autorizuar i Ferrarit në zonën ku ndodhi aksidenti.
Foto nga vendi i ngjarjes tregon se Ferrari mbante targa të përkohshme, në momentin kur u përplas në rrugën N221 pranë Utrechtit. Gjatë kohës së aksidentit, në timon ishte një mekanik. Vetura dyshohet se ka goditur një pemë në anën e pasagjerit, duke shkëputur të dyja rrotat në anën e djathtë.
