Dashuria është një ndjenjë aq e fuqishme sa mund të ndryshojë gjithçka, ashtu si në Hirushja, kur kungulli me magji shndërrohet në një karrocë madhështore, e njëjta “mrekulli” ndodhi edhe në qytetin e Veronas, me një autobus të një kompanie lokale e transportit, shkruan today.it.
Protagonistja ”Hirushja” e kësaj historie është Sabrina Bardi, shofere autobusi, e cila zgjodhi mjetin e saj të transportit për të shkuar dhe për të kurorëzuar martesën e saj me Stefano Rubele, në vendin më romantik të Veronës, te shtëpia e Romeo dhe Xhulietës.
Transformimi romantik i autobusit në një ”karrocë dashurie” u dëshmua nga imazhet e postuara në mediat sociale nga ATV Bus Verona.
Sabrina, me një fustan të kuq të shkëlqyeshëm, hipi në autobusin me numër 73 për të shkuar tek bashkëshorti i ardhshëm.
Padyshim, edhe mjetet e transportit ”ishin veshur”, ashtu si kolegët e Sabrinës dhe të gjithë miqtë e çiftit, të cilët ishin në gjendje të festonin kurorëzimin e kësaj historie të shkëlqyer dashurie.
”Jetë të lumtur çiftit”, shkruhej te hapësira mbi xhamin e shoferes së sapomartuar.
