Në Shkodër, falja e namazit të Kurban Bajramit u bë mes qindra besimtarëve në sheshin “Nënë Tereza”. Gjatë faljes, zv/myftiu Arben Halluni u shpreh se besimtari nuk e tregon humanizmin e tij përmes kurbanit, por përmes veprave të tjera të mira të cilat ai bën gjatë gjithë vitit.
Zv/myftiu Halluni dha edhe një mesazh të fortë për problemet që krijohen në familje si shkak I veseve të ndryshme dhe mungesës së barazisë gjinore në çift. Ai tha se islami u ka mësuar besimtarëve se si të respketojnë figurën e gruas dhe jo ta ulin atë.
