Kjo është gjendja e rrugës që lidh fshatin Gjorm të Kurbinit, me autostraden Milot-Mamurras.Segmenti me gjatësi 2.7 km ka degraduar plotësisht, duke vështiresuar kalimin e automjeteve dhe këmbësoreve.
Kjo situatë vijon prej 32 vitësh, pasi nuk është investuar asnjëherë.Në këto kushte banoret janë detyruar që shpesh herë të ndërhynë vetë që rruga të bëhet sadopak e kalueshme.
Mungesa e rrugës dhe shërbimeve të tjera jetike, ka detyryar shumë familje që ta braktisin Gjormin i cili është një ndër fshatrat më të mëdhenj në Bashkinë e Kurbinit.
Krahas infrastruktures rrugore, në fshatin Gjorm ka probleme dhe me furnizimin me uje të pijshem dhe energji elektrike, ndërsa për shkak të mungeses së konteniereve mbeturinat hidhen brigjeve të kanaleve.
