Vijojnë të jenë problematike kushtet e jetesës për banorët e komunitetit egjiptian që jetojnë pranë urës së vjetër të Bunës. Mungesa e infrastrukturës së banesave, por edhe kushtet e vështira ekonomike janë ndër shqetësimet kryesore të banorëve. Ato kërkojnë nga institucionet të ndërhyjnë për përmiresimin e kësaj situate e cila vazhdon prej shumë vitesh.
Banesat në këtë lagje kanë mbi 30 vite që janë të amortizuara dhe shumë prej tyre janë bërë të pabanueshme. Disa vite më pare u prezantua edhe një projekt për rikonstruksionin e 33 shtëpive por u ndërhy vetëm në 9 prej tyre.
